Контроверзна, шокантна, грешна како ѓаволица или чиста како ангел, како и да ја доживувате, мора да признаете дека некогашната македонска ТВ водителка и трендсетерка Мелита е секогаш своја.
Постојано интересна за медиумите, 24/7 закачена на социјалните мрежи, речиси секој поинтересен детал од својот живот го споделува со јавноста… Па дури и дел од својата приватност која не е за споделување, ама… Тоа е Мелита, таква каква што е, патем да не заборавиме – таа е мајка на 15 годишна ќерка. „Фала многу, пријатно“ – што би рекла самата.
А, токму таа, нејзината ќерка, нејзината „принцеза“ Барбара деновиве го славеше 15-иот роденден. Кој би бил посреќен од мајка кога гледа како нејзината наследничка полека се претвора во девојка, госпоѓицата во идна дама…
„Ова е најважниот ден во мојот живот. Ја родив Барбара. Господ ми подари посебно дете. И го молам да ја чува од зло. Таа е мојата душа, моето се’. Среќен 15ти роденден љубов моја. Никој и ништо не е во мојот живот освен ти. Те сакам толку колку што не можеш ни да замислиш“ – напишал Мелита покрај видеото на кое нејзината Барбара ги покажува не само својата убавина, туку и сиот свој вокален потенцијал и талент, со својата одлична изведба еден од светските хитови.
А кога „принцезата“ е среќна и слави роденден, тогаш „госпожа ѓавол“ е во рајот!
Имено, сексапилната „ѓаволица“ ги отвори картите до крај, па го отвори и мобилниот телефон и покажа како нагалено на прекар нејзината Барбара ја запишала мама Мелита во именикот на својот мобилен.
А Мелита…? Битни и се само оние на кои им значи. Тие што сакаат да ја гледаат насмеана.
Животот никому не е му е лесен, но кога си позитивен и опкружен со луѓе кои вредат, се’ е преубаво! Така вели и самата, така и живее… по свое!
