Најмалку три лица загинале, а 11 се ранети во терористичкиот напад кој вчера се случи во центарот на Стразбур.
Напаѓачот е идентификуван – станува збор за 29-годишниот Шериф Чекат, а неговиот стан денеска бил претресен во рамки на истрагата за грабеж кој бил извршен ова лето.
Француската полиција го опколила напаѓачот. Француските власти го подигнале нивото на безбедност на “вонредно во случај на напад”, а околу 350 полицајци и два хеликоптера и понатаму трагаат по осомничениот кој со години е радикализиран и два пати го прекршил законот, изјавил утринава министерот за внатрешни работи Кристоф Кастане, додека локалните медиуми наведуваат дека името на осомничениот е Шефир К.
A shooting in progress in Strasbourg https://t.co/3oASClbGq1 pic.twitter.com/1LjzPDh4Rq
— Vlad Fabian (@vlafbi) December 11, 2018
Вооружениот напаѓач отворил оган во близина на божиќниот саем и се дал во бегство откако бил ранет во судир со полицијата.
Француските медиуми јавуваат дека 6 од 11 ранети лица се во критична состојба. Постои сомнеж дека напаѓачот е екстремист, но мотивот на нападот се уште не е утврден.
Париското обвинителство го карактеризира нападот во центарот на Стразбур како терористички напад.
