Кралицата не го дава синот педофил: Протекле слики од принцот со секс робинката на милијардерот

526

Британската кралица Елизабета Втора, која со дел од семејството одмара во замокот Балморал во Шкотска, седела утрово во автомобилот, ден по самоубиството на милијардерот педофил Џефри Епстајн, покрај својот син Ендру, кој со Епстајн бил повеќедецениски пријател, а англиските медиуми објавиле фотографии од принцот со сексуалната робинка на Епстајн, Вирџинија Робертс.

Кралското семејство ги стеснува редовите соочено со незапаметен скандал, па покрај кралицата и принцот Ендру, кој има и титула војвода на Јорк, седела и неговата ќерка, принцезата Беатрис. Оделе во црква на служба.

Британските медиуми коментираат дека ова е јасна порака на британското кралско семејство, ден по самоубиството на Епстајн, дека ќе бидат крај принцот Ендру без разлика на вистината која испливува.

Од порано се знае дека принцот Ендру и Епстајн со децении биле пријатели, како и дека принцот е исто така педофил. Тој ова го демантирал, но фотографиите и текстовите кои ги објавуваат медиумите зборуваат нешто друго. Имено, принцот Ендру е фотографиран со поранешната сексуална робинка на Епстајн, Вирџинија Робертс, во поза која воопшто не остава простор за двоумење.

Малку зад нив, целата насмеана, е Гислејн Максвел, наследничка на тајкунот Роберт Максвел, кој во свое време држел половина од англиските медиуми, инаку подведувачка на деца, и како што пишуваат британските медиуми, една од поважните алки на овој страшен педофилски ланец.

“Гислејн е клучна фигура сега кога Епстајн повеќе нема да може да одговара пред законот. Жртвите заслужуваат одговори, а таа била најблиска до Епстајн. Самоубиството на Епстајн е далеку од тоа дека доаѓа крајот на проблемите на принцот Ендру, напротив, тоа го носи во центарот на вниманието поради неговото блиско пријателство со Гислејн”, вели извор од правосудството за “Daily Mail”.

“Daily Mail” пишува дека принцот Ендру веројатно бил фатен во скандал со девојчињата на Епстајн многу подлабоко од тоа што се мисли, и дека истрагата на ФБИ, ако некој не се обиде да ја сокрие, тоа и ќе го покаже.

Во судските документи се наведува дека принцот Ендру ги користел услугите на Вирџинија, што кралското семејство демантирало во необично соопштение во 2015-та година. Денес портпаролот на Бакингемската палата, запрашан дали принцот Ендру ќе се огласува за смртта на Епстајн, рекол дека случајот со Епстајн се однесува на истрагата во САД, а војводата од Јорк не е дел од неа.

“Секое спротивно тврдење е лажно и без основа”, додала Бакингемската палата.

loading...