Кара и Попи Делевињ се цимерки, а вака изгледа нивниот необично уреден дом

26

Како изгледа домот од соништата во Лос Анџелес кој го уредиле двете сестри, кои се воедно манекенки од Британија? Како шарена џунгла!

“Architectural Digest” “ѕирна” во домот на Кара и Попи Делевињ кој е уреден во живописен ретро стил, впечатливи бои и мноштво зелени билки.

Домот на два спрата го уредил архитектот Николо Бини, кој при уредувањето го вметнал британскиот Делевињ шарм со доза на калифорниски стил, културата на Беверли Хилс и дел од мексиканската разноликост за да создаде опуштен и разигран дом за двете сестри.

Така, шетајќи низ нивниот дом ќе наидете на едноставна бела, отворена кујна, дневна просторија во која вниманието го крадат розовата софа и зелените фотелји, бањите инспирирани од мароканскиот стил како и спалните соби во кои владеат шарени тапети и впечатливи бои кои никогаш не би помислиле дека ќе се вклопат во овие простории.

Електричниот дом кој е микс од различни стилови, а сепак изгледа усогласено и осмислено до последен детаљ, има и прекрасна градина во која покрај базенот, се крие и шатор за одмор.

Забавно, одважно, но истовремено и елегантно, ова е место кое е вистински извор на инспирација и повик за излегување од комфор зоната.

loading...