Јувентус го откупи договорот за бразилскиот фудбалер Даглас Коста, кој минатото лето во италијанскиот клуб дојде како позајмица од Баерн Минхен.
Италијанскиот шампион за позајмицата на Коста плати шест милиони евра, а за да го откупи неговиот договор од германскиот клуб додаде уште 40 милиони.
Бразилскиот фудбалер ќе остане во екипата од Торино до 2022 година.
Изминатава сезона Коста одигра 47 натпревари за Јувентус, а постигна шест голови и 14 асистенции.
