Јапонците креирале “Hello Kitty” воз кој во целост е уреден во духот на познатиот цртан лик

317

Јапонците повторно одлучиле да го направат својот јавен превоз забавен, со тоа што наскоро во промет ќе биде пуштен брзиот воз “Hello Kitty” кој во целост е изработен во духот на популарниот цртан лик.

Како што јавуваат јапонските медиуми, возот од идниот викенд ќе започне да сообраќа помеѓу Осака и Фукуока.

View image on TwitterView image on TwitterView image on TwitterView image on Twitter
Возот е дело на јапонската компанија “West Japan Railway” која се надева дека со оваа иновација ќе го развие локалниот туризам.

Покрај надворешниот изглед на возот кој е обоен во розова и бела боја со ликот на “Hello Kitty”, комплетната внатрешност на возот исто така е забавна и шарена. Туристите и локалното население сигурно ќе ги воодушеват виолетовите седишта, розовите теписи, прозорците и наслоните со цртаниот лик, па дури и тоалет хартијата која исто така е изработена во “Hello Kitty” мотив.

Во текот на првото возење, патниците ќе ги дочека и голема “Hello Kitty” кукла во уникатна униформа, а еден вагон од возот ќе биде резервиран за испробување на разни јапонски јадења, како и купување на предмети и сувенири.

Ликот на “Hello Kitty” е креиран од страна на Јоко Шимизу во 1974 година, и оттогаш е популарен низ целиот свет.