Славата ја стекна како пријателка на Кајли Џенер и со учеството во реалното шоу „Keeping Up With The Kardashians“, но потоа се случи скандал.
Кога Клои Кардашијан дозна дека нејзиниот сакан Тристан Томпсон повторно ја изневерил, не се ни посомневала дека тоа го направил со нејзината соработничка и добра пријателка Џордин Вудс. Поради тоа, Клои се чувствувала двојно изневерена.
Кајли Џенер, со која Џордин била најдобра пријателка, веднаш ѝ го свртела грбот, застанувајќи на страната на полусестра ѝ.
Меѓутоа, Џордин не дозволи да ѝ избледи инстант-славата. Прво, излезе во јавноста со неколку интервјуа, откривајќи зошто решила да оди во кревет токму со Тристан, а потоа започна да објавува провокативни фотографии на социјалните мрежи.
Не помина долго откако славните мажи во Холивуд започнаа да се интересираат за младата Џордин. Сепак, таа одбра еден и со него е веќе една година. Станува збор за Карл Ентони Таунс, кошаркар кој сега веќе славната Вудс ја изведува на скапи вечери и ја опсипува со внимание.
Така било и овој викенд кога парот бил забележан во еден елитен ресторан како го прославува нејзиниот 24-ти роденден.
Реалити ѕвездата за таа пригода облекла фустан направен од сребрени циркони кој не оставал многу на имагинацијата. Токму поради овој фустан, Џордин повторно се најде на насловните страници на светските медиуми.
