Со оглед на големата бројка на заразени од коронавирус во Холандија – повеќе од 2000 лица, министерот за здравје Бруно Бруинс не можел да се избори со притисокот и стресот и се онесвестил во текот на парламентарната седница.
Бруинс е на мета на критики бидејќи многумина сметаат дека неговата партија не се бори на вистинскиот начин со епидемијата која досега уби речиси 60 луѓе во таа земја.
За разлика од некои други земји, Холандија одлучи да ги затвори училиштата и центрите за нега, но границите сè уште се отворени. Додека министерот го критикувал опозиционерот Герт Вилдерс, тој во еден момент само паднал на земја, а колегите му притрчале напомош.
Бруинс ја уверува јавноста дека не е позитивен на коронавирус.
“Се онесвестив од исцрпеност. Сега сум подобро, одам дома за да се одморам и да можам утре да се вратам во борбата против коронавирусот на најдобар можен начин”, изјавил министерот.
Вилдерс бил критикуван што се насмеал кога Бруинс се онесвестил, но на Твитер му посакал брзо закрепнување.
