Откако на денешното големо финале помеѓу Франција и Хрватска, Антоан Гризман и Килиан Мбапе не успеаја да го достигнат, Хари Кејн и официјално е првиот стрелец на Светското фудбалско првенство во Русија.
Англискиот капитен противничките мрежи на овој Мундијал ги тресеше шест пати и зад себе ги остави напаѓачите на Русија, Португалија, Белгија и Франција – Черишев, Роналдо, Лукаку, Мбапе и Гризман, кои постигнаа по четири.
Кејн до шесте гола стигна благодарение на првите два натпревари, во кои против Тунис постигна два, додека против Панама запиша хет-трик. Последниот погодок го постигна во осминафиналето против Шведска од пенал.
