Се наближува Велигден и фарбање на јајцата, активност која и тоа како го зближува семејството и прави убава празнична атмосфера.
Поради тоа, ви носиме совет како да направите велигденски јајца со парче свила со некој интересен дизајн и исто толкаво парче бело платно.
Најпрвин исечете парче свила со некој интересен дизајн и подеднакво големо парче бело платно.
Потоа, замотајте ги јајцата во свилата, па во белата ткаенина и ‘затворете’ со шнола за коса, или врзете ги со конец.
Ставете ги јајцата во тенџере и наполнете го со вода.
Во водата истурете 3 големи лажици алкохолен оцет, наместете го шпоретот на средна температура и оставете ги да се варат 15 минути.
Извадете ги јајцата од тенџерето да се изладат, а потоа одмотајте ги од ткаенината и свилата.
Резултатот е неверојатен.
Дури истата свила можете да ја користите неколкупати.
