Парот се запознал во 2010 година на филмски сет, а за нивната веридба се дозна во јануари 2016 година.
Манекенката Роузи Хантингтон Вајтли и актерот Џејсон Статам се еден од најпопуларните и најатрактивни холивудски парови. Но и покрај тоа, парот од самиот почеток е многу таинствен кога станува збор за нивната врска и сите детали успешно ги кријат од љубопитните медиуми.
Ретко се појавуваат заедно во јавност, но овојпат папараците ги фатиле во Беверли Хилс како напуштаат еден познат ресторан.
Сите погледи како и секогаш биле вперени кон Роузи која носела минијатурен црн фустан и високи потпетици, а стајлингот го надополнила со црна кожна јакна и мини чанта.
Нејзиниот 20 години постар вереник бил вистински фраер во бела кошула и одело.
Роузи и Џејсон се запознале дамнешната 2010 година на филмски сет, а за нивната веридба се дозна во 2016 година на црвениот тепих, кога поранешниот ангел на Викторија Сикрет се појави со дијамантски прстен. Синот Џек ја круниса нивната љубов летото 2017 година.
