Одред на бродови од Северната флота на руската воена морнарица на чело со фрегатата „Адмирал Горшков“ пристигна на пристаништето во Хавана, а се планира и пристигнување на амбасадорот на Русија на Куба, Андреј Гусков.
Руската флота на бродови тргнала на долга пловидба на 26-ти февруари од Североморск и преминала околу 28 илјади наутички милји.
Додека Русите пристигнувале кон кубанското пристаниште, американските воени бродови крстареле во близина на кубанскиот брег. На неколку километри од руската фрегата се нашол и моќниот американски разурнувач вооружен со крстосувачки ракети „Џејсон Данам“.
Како што соопштија од руското Министерство за одбрана, руските бродови за време на нивната долга пловидба исто така ги посетиле и пристаништата во Република Џибути и Коломбо, како и кинеското пристаниште Чингдао каде што присуствувале на прославата по повод 70-годишнината од поморските сили на Народно-ослободителната војска на Кина.
Одредот мајските празници ги поминал во рускиот град на Далечниот исток, Владивосток, по што тргнал кон Тихиот океан и пристигнале во Пуерто Боливар во Еквадор. Руските бродови минатата седмица го минале панамскиот канал и навлегле во водите на Карипското море.
