Дерковски: ДИК не може да организира избори, администрацијата ќе ги напушти одборите поради страв

859

Шефот на ДИК, во изјава на медиумите извести дека изборите не можат да се одржат поради повеќе причини. Една од причините е и најавите од избирачките одбори, кои се упатени до него, дека администрацијата ќе ги напушти истите поради страв од КОРОНА ВИРУСОТ.

„Речиси секојдневно кај мене се јавуваат членови на избирачките одбори, а ќе ги известат и општинските изборни комисии. Тој проблем не може да се игнорира. Што се однесува до уредбата, во изборниот законик е предвидена посебна методологија за прочистување на избирачкиот список. Не може изборниот законик да се дерогира со владина уредба. Не можеме новите гласачи кои наполниле 18 години само да ги прикачиме на избирачкиот список. Исто така треба да се знае дека не постои такво нешто кое владата го нарекува замрзнување на изборните дејствија” рече денеска Дерковски.