Бугарски Миг -29 исчезна за време на воена вежба над Црното море

68

Бугарија денеска соопшти дека изгубила комуникација со еден од нејзините воени авиони Миг-29 и дека авионот исчезнал од радарите, додека учествувал во воени вежби над Црното море. Министерството за одбрана соопшти дека веднаш е почната акција за пребарување и спасување и дека таа се уште трае.

Вршителот на должност министер за одбрана Георги Панајотов изјави дека воената вежба „Шабла 21 “ веднаш е прекината и дека е лоцирана областа во која можно е да се урнал авионот, но се уште не е пронајдено леталото.

„Во спасувачката потрага учествуваат бродови и хеликоптери,“ изјави Панајотов.

Се уште е непозната причината за несреќата која најверојатно се случила во 12 и 45 минути по локално време. Панајотов додаде дека за време на несреќата пилотот не се обидел да исконтактира со базата за евентуални проблеми и дека се чини оти пилотот не се исфрлил навреме од авионот.

Членката на НАТО, Бугарија претходно поседуваше уште два други авиони Миг-29 кои се од советско производство. Едниот се урна во 1994 година а другиот авион МИГ-29 се урна во 2012 година.

Во јули 2019 година Софија даде зелено светло за купување на осум американски воени авиони Ф-16 во вредност од 1,67 милијарди долари, што претставува најголема воена набавка од падот на комунизмот во 1990-тите години.