Неименуван маж од Велика Британија успеал да го положи теоретскиот дел од испитот за возачка дозвола откако паднал дури 157 пати.
Британската агенција за стандарди за возачи и возила неодамна извести за нов неславен рекорд. Човекот, чие име не е објавено поради приватноста, успеал да го положи теоретскиот испит откако претходно паднал дури 157 пати, а за тоа потрошил околу 3.000 фунти, пренесува Oddity Central.
Неколку медиуми го нарекоа најлошиот возач на светот, но други го опишаа како пример за упорност.
„Вистина е тоа што го велат – ако не успееш на почетокот, обиди се повторно … Полагањето на возачки тест може да биде еден од најтешките предизвици во животот и на некои од нас им треба многу повеќе напор од другите“, изјави за Lad Bible , Марк Тонгју, извршен директор на „Селект“.
Иако неименуваниот човек моментално е на првото место со најмногу неуспешни обиди за да положи возачки испит, тој има сериозна конкуренција. Податоците на ДВСА покажуваат дека на второ место е жена на околу триесет години која паднала 117 пати и сè уште не положила, додека на трето место е жена која успеала да помине по 94 обиди.
