Одбројувањето веќе започна а се што треба да направите е да уживате во празничната атмосфера. Сигурно веќе рaзмислувате и планирате што ќе облечете за новогодишната ноќ, а ништо друго не го прави стајлингот по комплетен од добра шик фризура која ќе го задржи сечие внимание. Во соработка со салонот за убавина и нега „Бјути бар“ ги претставуваме најубавите и најуникатни трендови на фризури кои ќе направат да изгледате прекрасно во секој поглед.
За долга коса:
Доколку имате долга, убава и квалитетна коса, одлично ќе изгледаат лелеави локни. Не стравувајте да ја пуштите косата. Пунџата не е секогаш најдобро решение.
Можете да направите и лежерна плетенка. Ако сакате да го откриете лицето, тогаш и „полу-фатена“ фризура е добро решение.
Можеби и најчестата должина на коса, која не секогаш е лесно да се стилизира. Ниска пунџа е една од најактуелните опции, додека за оние што се стремат кон лежерен изглед, нежни локни, полукрената коса во комбинација со „неуредни“ плетенки се првиот избор.
Иако е мошне популарна, ретко кој е храбар да се одлучи за кратка фризура. Сепак, ако имате кратка коса, не грижете се. И вие можете да постигнете и тренди и елегантен изглед. Ако имате боб-фризура, тогаш можете едната страна да ја соберете наназад и да ставите интересен украс. Лелеавите локни се добредојдени, а можете и да ја соберете во неформална фризура доколку сакате лежерен изглед.
