Угљеша Гргур, приватен детектив, смета дека обвинителството собрало доволно докази за да ја прекине истрагата за случајот Матеј Периш.
Иако ниту од обвинителството, ниту од српското МВР не ја потврдиле оваа информација, приватниот детектив тврди дека истрагата е прекината.
„Тоа е информација од таткото на младиот Сплиќанец. Тоа значи дека обвинителството донело одлука. Тоа значи дека обвинителството собрало доволно работи за да ја заврши истрагата. Во рок од 15 дена треба да се покрене кривична постапка или ако нема ништо од тоа, истрагата е завршена и не се покренува кривична постапка. Ќе се почека уште неколку дена за да видиме дали може да се покрене обвинителен акт, но мојот личен став е дека истрагата е завршена, бидејќи нема елементи за кривично дело. Тоа не значи крај на потрагата. Потрагата може и да се прошири ако се дојде до дел од овие информации“, истакнал приватниот детектив во емисијата „Пулс Србија“ на Курир телевизија.
Тој додал дека од првичните информации кои ги имале, неговиот став бил дека телото на момчето е во Сава.
„Јас од првиот момент имав став дека телото на момчето е во Сава, за жал, и убеден сум дека е така. Полицијата сето тоа професионално го изработи и сметам дека нема да се покренува некаква кривична постапка, а телото на момчето, се надевам дека ќе исплива и ќе се пронајде. Полицијата и речната полиција ќе го пребаруваат телото на младиот Сплиќанец и сите околности укажуваат дека несреќно завршил“, истакнал Угљеша Гргур, приватен детектив.
