Тројца припадници на Националната гарда загинаа откако хеликоптерот во кој летаа се сруши на рутински лет западно од Њујорк, соопштија американските власти.
„Хеликоптерот УХ-60 за медицинска евакуација се сруши во малиот град Мендон во близина на Рочестер“, изјави Ерик Дар, директор на одделението за воени и поморски прашања при државата Њујорк.
Како што пренесува новинската агенција „АП“, истрагата за околностите на несреќата е во тек. Хеликоптерот полетал од меѓународниот аеродром во Рочестер.
Гувернерот на американската сојузна држава Њујорк, Ендру Куомо соопшти дека знамињата на државните згради ќе бидат спуштени на половина копје.
