Канабисот што пред три дена го украдоа арачиновици во вооружен грабеж во валандовското Јосифово е на компанијата Херб Индустри, дознава 24 Вести.
Еден од сопствениците на фирмата за производство на канабис ова го потврдил за телевизијата и додал дека двата тони украдена стока вределе шест милиони евра.
Станува збор за компанија основана пред две години од страна на шест струмички бизнисмени.
Суровиот канабис доколку би се претворел во масло би вредел 10 милиони евра на пазарот.
Полицијата денеска во Арачиново и Мојанце трага по бандата која го украде, а канабисот беше повторно превземен од МВР.
Станува збор за стока пакувана во 200 кутии во складиштето во Јосифово.
МВР најави прес-конференција во 19.00 часот.
