Хрватската пејачка Маја Шупут (41) и нејзиниот сопруг Ненад Татаринов го чекаат првото дете.
Шупут среќната вест ја објави на Инстаграм, споделувајќи со своите следбеници, дека е во 15-та недела од бременост.
Приновата, како што вели Шупут, доаѓа како карика која единствена недостасувала за нивната посебна семејна вселена.
„Изненадување! Драги мои, не можам да ви ги опишам нашите чувства. Во нашето мало, но преполно со љубов семејство, доаѓа принова како најголем дар и како алка што отсекогаш била посакувана и само уште таа недостасуваше за нашата вселена. Конечно дојде време да ви ја откриеме слатката тајна. Се надевам следните 25 недели ќе поминат убаво и лесно. Посакајте ни среќа“, напиша, меѓу другото, популарната музичарка.
Инаку, Маја Шупут е една од најангажираните хрватски пејачки.
Многубројни колеги ѝ честитаа на среќната вест.
