Мајкл Биби Јуниор беше еден од најпопуларните играчи во NBA, во 14 годишната професионална кариера која ја имаше. Посебно возбудлив беше периодот од 7 години во дресот на Сакраменто Кингс. Во тоа време тимот од главниот град на Калифорнија, ја играше најубавата кошарка (“за око”) и беше сериозен кандидат за шампионската титула. Посебно возбудливи беа дуелите со тогашниот шампион, Лос Анџелес Лејкерс. Мајк беше инструментален дел и стартен плеј во еден од најдобрите тимови кој (за жал) не успеаа да дојдат до посакуваната цел. Некогаш повредите, некогаш мистериозни и контроверзни судски одлуки, а понекогаш (едноставно) им недостасуваше среќа.
Како и да е, Мајк Биби остана запаметен како еден од најконстантите бекови на кого може да се смета во секое време, да ја заврши обврската која му е доделена на теренот. Лидерски надарен бек со исклучителен баланс и дисциплина. Во неговата богата професионална кариера, успеа да стекне и подеднакво големо богатство. Следува интересно видео во кое Нејт Робинсон доаѓа на гости кај Биби. Успеваме за кратко да “ѕирнеме” во домот на еден од првите “Јоrdan”-ови атлети. “Биб” е еден од само 6-те кошаркари кој први имаа договор со брендот на Мајкл Џордан. Тоа само по себе, освен убав договор, носи и дополнителни благодети. Уживајте…
NBA FAN
Димитар Младеновски
