Холивудската ѕвезда Роберт Патинсон е прогласен за најубав маж на светот, според резултатите од истражувањето кое имало за цел да одбере совршено машко лице.
33-годишниот актер има 92,15 отсто правилности според златниот пресек на убавина и со тоа зад себе ги остави некои од најпознатите заводници како Бред Пит и Дејвид Бекам.
Очите на Роберт, неговите веѓи, носи, усни, брада и вилица, а со самото тоа и обликот на лицето се најблизу до она што античките Грци го сметале за перфекција.
Британскиот актер Хенри Кавил е на второто место со 91,64 отсто, а на третото и четвртото место се најдоа актерите Бредли Купер и Бред Пит.
Зошто златниот пресек е тајна на убавината?
Пропорциите на златниот пресек претставуваат извор на совршена убавина, а оваа формула за мерење се користела уште во ренесансата кога уметниците и архитектите со помош на равенка попозната како Златен пресек, ги создавале своите ремек дела.
Универзалната математичка формула на убавина се заснова на точни мерки – должина и ширина на нечие лице, по што се добиваат резултати. Мерењето се врши од горната линија на челото до просторот помеѓу очите, од линијата на очите до врвот на носот, а потоа од врвот на носот до дното на брадата.
Лицето се смета за убаво доколку сите броеви се приближно еднакви. Потоа се посветува внимание на симетријата и пропорциите на лицето. За да бидете убави според златниот пресек, должината на ушите треба да ви биде еднаква на должината на носот, а ширината на окото да е еднаква на растојанието помеѓу очите.
Ова е целосната листа на најубавите познати мажи на светот:
1. Роберт Патинсон
2. Хенри Кавил
3. Бредли Купер
4. Бред Пит
5. Џорџ Клуни
6. Хју Џекмен
7. Дејвид Бекам
8. Идрис Елба
9. Канје Вест
10. Рајан Гослинг
