Светот на фудбалот од неодамна доби уште еден менаџер, во тие води заплови Франческо Тоти, легендарниот италијански ас и икона Рома целосно се дистанцираше од клубот во кој ја помина целата играчка кариера.
Што мисли за луѓето кои ја водат денес Рома Тоти најдобро покажа со изјавата за италијанската телевизија „ДАЗН“. На прашањето дали денес како агент би одвел младиот Франческо Тоти на „Олимпико“ изјави:
„Не би одвел во Рома затоа што пребрзо би го продале“, одговори Тоти.
Потоа легендарниот капитен зборуваше за деновите кого ја напушти Рома.
„Сите знаат дека ме присилија да ја завршам кариерата. Сакаа да ја завршам. Ми понудија договор на шест години да бидам директор, но Франко Балдини и јас не можевме да функционираме заедно. Еден од нас мораше да замине, бевме многу луѓе на едно место и се создаваше хасо“, изјави Тоти.
