Дека на славната актерка Фелисити Хофман ѝ се заканува затворска казна од четири до шест месеци заради улога во скандал поврзан за давање мито на престижен универзитет, се пишува уште од месец април.
Актерката тогаш ја признала вината, а наскоро ќе мора да ги сноси последиците.
Хофман одлучила да се договори со обвинението кое ѝ одредило четири месеци затворска казна со мала парична казна и една година условно пуштање на слобода.
„Срам ми е заради она што го направив, тоа беше погрешно. Тоа што сакав да ѝ помогнам на ќерка ми не е изговор за кршење на законот или непочитување“ – изјавила Фелисити.
Според пишувањата на американските медиуми, Хофман ќе ја дели затворската ќелија со уште две или три жени, а нејзините дневни обврски би вклучувале и чистење на тоалет.
Уште една актерка која се нашла во центарот на скандалите за давање мито е Лори Лоугхлин, ѕвезда од серијата „Полна куќа“, но таа не ја признала вината.
