Павел Адамовиќ, градоначалник на полскиот град Гдањск, починал денес откако во неделата навечер бил избоден со нож додека стоел на бината во текот на голем добротворен собир, соопштил полскиот министер за здравство.
“Не можевме да се избориме”, рекол министерот пред локалните медиуми, пренесува “Reuters”.
Градоначалникот на Гдањск, Павел Адамовиќ, кој вчера бил избоден со нож во пределот на срцето и стомакот додека стоел на бината, бил во критична состојба по петчасовната операција, а во Гдањск за него била организирана акција за давање на крв.
Mayor Adamowicz has died from the wounds suffered during last night's knife attack in Gdańsk during a charity fundraiser.
Doctors fought overnight to save his life, but it has been confirmed that they and he lost the struggle https://t.co/IXVmPsjjhg
— Notes from Poland ?? (@notesfrompoland) January 14, 2019
Еден од хирурзите рекол дека Адамовиќ имал “критични рани во пределот на срцето, дијафрагмата и внатрешните органи”. Бискупот во Гдањск, кој бил во болницата во текот на операцијата на градоначалникот, рекол дека се моли за чудо.
53-годишниот Адамовиќ бил градоначалник на Гдањск, балтичкиот пристанишен град од 1998-ма година. Бил член на демократската опозиција настаната во тој град под водство на Лех Валенса во текот 1980-тите.
Откако ја напуштил Граѓанската платформа, повторно бил избран за шести мандат како независен кандидат. Како градоначалник, бил прогресивен глас кој ги поддржува правата на ЛГБТ заедницата и ги толерирал малцинствата.
Полското обвинителство соопштило денес дека е отворена истрага против мажот кој е обвинет дека го избодел градоначалникот, а осомничениот ќе биде испрашан и подложен на психијатарски преглед.
