Актуелниот капитен на фудбалската селекција на Македонија, Горан Пандев кој е член на Џенова, со голем интерес ги следи случувањата и во својот клуб Академија Пандев која зад себе имаше успешна есен.
Пандев планира зимава дополнително да го засили тимот, а се со една цел да се избори за излез во Европа, па дури и да се замеше во битката за двете титули, пред се онаа во Купот на Македонија каде што се пласираа во полуфинале.
За тимот веќе потпиша Стојанче Велинов кој се враќа од Косово, а следна трансфер цел, број еден е поранешниот македонски репрезентативец Дарко Тасевски кој поледните години настапуваше во Тајланд.
Горан го сака во тимот Дарко со кого своевремено играа заедно за Македонија. Опција за засилување на Академијата се и Кристијан Стојковски од Шкупи, како и Ѓорги Танушев од Победа.
Засега нема најави за заминување иако според информации интерес за дефанзивецот Стојан Стојчевски постои од лидерот во Втора лига Исток, Борец.
