Матео на суд одбил да сведочи, со образложение дека му е потребно повеќе време да се подготви за одбрана.
Шпанскиот комичар, 29-годишниот Даниел Матео се појавил на суд во Мадрид поради наводна навреда на националниот симбол и изразување на омраза, бидејќи за време на еден скеч што го извел на телевизија, го бришел носот со шпанското знаме.
Тој би можел да биде казнет со затворска казна до 4 години затвор, пренесува “AP”.
Матео на суд одбил да сведочи, со образложение дека му е потребно повеќе време да се подготви за одбрана и додал дека е загрижен за имиџот на државата бидејќи е “кловн изведен пред судија само затоа што ја вршел својата работа”.
Како што се наведува, скечот отворил дебата за патриотизмот и ограничувањето на слободата на говорот во шеги, додека некои корисници на социјалните мрежи повикале на бојкот на каналот кој ја емитувал програмата.
