Според најавите на директорот Ѓорѓи Галетановски пролетва во Зоо треба да пристигнат нови жители и тоа зебри и фламинга, а на есен пингвини, за кои живеалиштата веќе се подготвуваат.
Зоолошката градина во Скопје никогаш не била поактуелна, иако постои долги години наназад.
Продолжуваме и понатаму со напорна работа, но апелираме и до посетителите да се однесуваат совесно и со љубов кон животните.
Граѓаните кои и покрај предупредувањата, на животните им даваат висококалорична храна, но фрлаат и отпадоци што можат да го загрозат животот на животните. Нашите животни се хранат со здрава храна, редовно и по нормативи. Секој жител на Зоолошката има свое мени, а исхраната е составена само од висококвалитетна храна богата со витамини, минерали, протеини, велат од таму.
Тие додаваат дека храната што ја фрлаат посетителите штетно влијае на здравјето на овие животни.
