Рама во описот на фотографијата од водопадите на шарпланинската Кривошијска река во лешничкиот регион напиша: „Прекрасна Албанија. Кањонот на Лешница“.
Овој дел од Македонија е во пограничниот регион со Косово, не со Албанија.
Граѓаните реагираат, а се чека на реакција на претставници на македонската Влада.
И во Албанија постои место со истото име, но фотографијата е од македонскиот кањон.
Лешница e долина на Шар Планина, која се наоѓа во средишниот дел, односно во градниот кош на Шар Планина во пределот на највисоките шарски врвови, помеѓу врвовите Среден Камен и Плат, на околу 17 километри северозападно од Попова Шапка. Оваа мала долина се протега на простор од околу 1.000 хектари и е распространета помеѓу клисурите на: Пена, Лешничка Река, Кривошијска Река и Скакалска Река.
