Кинеските власти го одблокирале излезот од Вухан кој беше жариште на епидемијата на коронавирусот и 76 денови беше отсечен од надворешниот свет.
Вечерва властите ги отвораат патиштаат кои водат од градот и им дозволиле на луѓето да го напуштат градот со автомобили.
Вухан од 23-ти јануари практично беше изолиран од надворешниот свет поради епидемијата. Сообраќајот во градот бил целосно стопиран, вклучително и метроата, автобусите и траектите. На автобускиот и водениот сообраќај не им било дозволено влегување во градот, не работеле аеродромите, било забрането напуштање на градот без посебна дозвола.
Wuhan lifts lockdown for the first time since January 23 pic.twitter.com/qP1cyFpp4I
— ian bremmer (@ianbremmer) April 7, 2020
Од 28-ми март, во Вухан повторно работи железничкиот сообраќај за влез во градот, а од 8-ми април исто така ќе биде отворен за излез, додека делумно ќе биде дозволен и воздушниот сообраќај.
Претходно властите од провинцијата Хубеј соопштија дека се планира карантинот во градот да биде укинат на 8-ми април и дека жителите на Вухан ќе можат да го напуштат градот под услов да се здрави и да не претставуваат закана за другите.
Bell stroke 12 as Wuhan lockdown was officially over on 00:00 8th April. People cheering, lightshow glowing, cars exiting #Wuhan.
Congrats on my rising city. Wish it bring you hope, who are still fighting. Dawn is ahead☀ pic.twitter.com/4N1ocwfVZB— Claire Chen (@ClaireRChen) April 7, 2020
Кинеските власти на 31-ви декември ја известиле Светската здравствена организација за епидемијата од непознато воспаление на белите дробови во градот Вухан во централниот дел на земјата. Кинеските експерт на 7-ми јануари утврдиле дека станува збор за вирусот SARS-CoV-2 (патоген Ковид-19).
СЗО на 11-ти март, епидемијата од новиот вирус ја прогласи за пандемија. Според последните податоци, во светот се регистрирани повеќе од 1,4 милиони заболени пациенти, од кои починале повеќе од 81.000.
