Мишел Рејес уживала во погледот на Њујорк, набљудувајќи го низ прозорецот на авионот, кога нејзиното внимание го привлече „необичен цилиндричен предмет“.
За среќа камерата на телефонот била вклучена, бидејќи би ѝ било тешко да докаже што видела по полетувањето од аеродромот Ла Гвардија.
Мајката на едно дете прво мислела дека има некаква бубачка на прозорецот, но подоцна ја погледнала снимката и сфатила дека се работи за „летечки цилиндар“.
Таа ја контактирала Федералната управа за воздухопловство (FAA), како и Националниот центар за известување за НЛО, за да го пријави бизарниот случај, пренесува Дејли Стар.
„Можеби тоа е јавна безбедност, но за жал не добив никаков одговор“, објасни таа.
Мишел му го покажала видеото на својот татко, поранешен припадник на американската морнарица, а тој останал збунет. Тој ја отфрли идејата за беспилотно летало, бидејќи не би смеело да лета толку блиску до патнички авион.
Подоцна дознала дека и друг патник видел неидентификуван летечки објект.
Светските медиуми објавија за бизарниот настан, кој го коментираше и експертот што го истражува феноменот НЛО, Бен Хенсен.
„Не најдовме докази дека Мишел го лажирала ова или измамила луѓе. Сѐ има таму, што е невообичаено“, истакнал тој.
Засега останува нејасно што жената снимила на небото над Њујорк, а приказната поттикна различни теории на социјалните мрежи.
