Сибирската хаска по име Мика има над половина милиони следбеници на Јутјуб.
Нејзините сопственици речиси секојдневно се трудат да снимат интересни видеа за да ги забавуваат своите следбеници, но и Мика која ужива да биде пред камерите.
На едно од последните видеа, сопствениците се преправале дека Мика е невидлива.
Имено, додека кучето седело покрај нив, тие ја повикувале и ја прашувале каде се наоѓа.
Мика прво чудно ги гледала и испуштала разни звуци за да биде забележана, но тие не ѝ обрнувале внимание.
„Каде е Мика? Ќе мораме да одиме на прошетка без неа“, зборувале сопствениците, а кучето се обидувало да биде забележано.
Почнало да ги лиже по лицата, па дури и јадело храна од нивните раце, но тие и натаму се преправале дека не го гледаат.
Сето тоа траело неколку минути, а потоа сопствениците ја прегрнале Мика и ѝ порачале дека ја сакаат и дека повеќе нема да се преправаат дека е невидлива.
Погледнете го видеото:
