[ВИДЕО] Американец во Југо ја обиколил цела поранешна Југославија – еве што имал да каже за секоја земја: „Македонија е луда…“

417

Тиктокерот „Justus Reid“ девет месеци ги обиколувал земјите од поранешна Југославија и тоа во „Југо“, а сега ги споделил своите впечатоци од секоја земја.

Словенија му се допаднала, иако истакнал дека не е добар избор доколку сака да излезе од комфор зоната.

„Словенија културолошки најмногу ме потсетува на Америка. Блед е прекрасен, а Љубљана е најмодерниот балкански град“, вели тиктокерот.

Црна Гора ја споредил со Северна Дакота, а слична му била и Србија. За Србија вели дека има прекрасна историја, а особено му се допаднал Нови Сад.

„Чист е и лесен за обиколување“, изјавил човекот.

https://www.instagram.com/reel/C5bWZmZtrEE/?utm_source=ig_embed&ig_rid=7c53d625-489e-48d3-915c-8869315a5e14

Во Македонија тој доживеал најголем културолошки шок, а вели дека цел свој живот не видел толку споменици како во Скопје.

„Македонија е луда, таму го почувствував најголемиот културолошки шок. Јазикот е поразличен отколку во останатите екс-ју држави, а тешко е да најдете и некој којшто знае да зборува англиски“, истакнал тој.

Во Босна и Херцеговина го воодушевила храната, но исто така зборувал и за бурната историја.

„Лузните од војната сѐ уште останале, но овие луѓе се силни“, изјавил тој.

Говорејќи за Хрватска најмногу се фокусирал на морето кое искрено препорачува сите да го посетат.