Ужас во Велес, три деца изгореа во пожар!

803

Страшна трагедија попладнево го потресе Велес. Според сознанијата на ТВ 24, во пожар кој избил нешто пред 17 часот изгореа три дечиња на една, две и петгодишна возраст. Екипа на ТВ24 е на лице место и ќе се јави во живо, во вестите во 20 часот.

Според првичните информации, куќата во која се случил пожарот се наоѓа на непристапен терен во Велес. Куќата е дива градба, најверојатно се работи за социјално загрозено семејство кое во импровизираното живеалиште било околу 2 години.

Пожарот го забележале соседите кои се одалечени на околу 100 метри од куќата во која избил пожарот.

Полицијата е на терен.