Децата на возраст од една, две и четири години кои изгореа во пожарот, биле сами и заклучени во домот во Велес, додека нивните родители пазареле во продавница, соопшти портпаролот на СВР Велес, Верољуб Додевски.
Семејството кое било социјално загрозено, живеело во изолирана и импровизирана дивоградба, а внатре немало ни струја, ни вода, па не е познато што го предизвикало пожарот.
По пријава од страна на соседи кои живееле на околу 100 метри од куќата, на лице место излегле противпожарната единица, екипа на СВР Велес и екипа на Брзата помош. Сепак, кога пристигнала помошта децата биле изгорени и немало можност да ги спасат.
