Претседателот на САД, Доналд Трамп, испрати роденденска честитка до севернокорејскиот лидер Ким Џонг-ун.
Ова беше соопштено од советникот за национална безбедност на Јужна Кореја, Чунг Еи-џонг, кој неделава се состана со Трамп во Вашингтон.
Чунг рече дека во таа прилика му била врачена честитка што ја доставил вчера.
„Денот кога се сретнавме беше роденден на Ким Џонг-ун и претседателот Трамп се сети на тоа, па ме замоли да ја пренесам честитката“, рече Чунг, а пренесе „Ројтерс“.
Ким Џонг-ун е роден на 8 јануари 1984 година во Пјонгјанг.
