Поранешниот тренер на Реал Мадрид, Џон Тошак остро го нападна Герет Бејл за неговото однесување.
Иако е негов сонародник, тој не може да разбере некои работи кај актуелната ѕвезда на најтрофејниот шпански клуб.
„Герет, дај едно интервју, таму си шест години, а уште не знаеш да зборуваш шпански јазик. Тоа е навреда за луѓето кои работат со тебе. Ти си важен дел од Реал и штета е што не успеа подобро да се социјализираш во екипата“, му порача Тошак на Бејл.
Иднината на велшкиот репрезентативец во редовите на Реал е неизвесна, тој сака да остане, но Зидан категорично му порача да си бара нова средина.
