„Netflix“ ги претстави своите први игри за паметни телефони кои на почетокот ќе бидат достапни за „Android“ корисниците од целиот свет, соопштено е на блогот на компанијата.
Оваа недела на „Netflix“ е достапно ново ажурирање и вклучува игри. За почеток ќе можат да се играат 5 игри: „Stranger Things: 1984“, „Stranger Things 3: The Game“, „Card Blast“, „Teeter Up“ и „Shooting Hoops“.
„Иако ова е почеток на долго патување, возбудени сме што можеме да овозможиме искуство на играње кое се разликува од она што е моментално достапно – ексклузивни мобилни игри без реклами и без плаќање кое е вклучено во вашата претплата“, соопштуваат од „Netflix“.
🎮📱 Let the Games Begin📱🎮
Tomorrow, Netflix Games will start rolling out on the Netflix mobile app. First on Android, with iOS on the way.
It’s early days, but we’re excited to start bringing you exclusive games, with no ads, no additional fees and no in-app purchases. pic.twitter.com/ofNGF4b8At
— Netflix Geeked (@NetflixGeeked) November 2, 2021
Првите достапни игри имаат релативно едноставна графика и се лесни за играње, но од компанијата додаваат дека со текот на времето планираат да креираат игри за сите видови играчи.
Како што беше претходно истакнато, овонеделното ажурирање на апликацијата на „Netflix“ ќе биде достапно само за уредите на „Android“ додека ажурирањето за „iOS“ уредите односно „Apple“ се планира во наредните месеци.
