Легендарниот Христо Стоичков секогаш директно ги посочува проблемите во неговиот поранешен клуб Барселона. Најдобриот фудбалер во историјата на Бугарија го искоментирал најавеното заминување на Лионел Меси од Барселона.
„Уништивме мит, му удривме клоца во га..т на најдобриот играч во историјата на клубот. Му го валкаме името. Ова го зборувам како член на клубот. Оваа управа уништи сѐ, се бидува да ги сврти навивачите против играчите. Покрај тоа плаќаат новинари да ги шират тие приказни“, рекол Стоичков.
Бугаринот во Барселона играше во два мандати од 1990 до 1995 и од 1996 до 1998 година, освоил пет титули во ла Лига и една во Лигата на шампионите.
„Не знам зошто клубот вака се однесува со играчите кои овде испишале историја. Можеби се плашат дека тие играчи ќе им ги земат функциите. Не разбирам што се случува со тие луѓе“, заклучил Стоичков.
