На социјалните мрежи се појави видео од Бразил, Сао Паоло, на кое се гледа како пред бројната публика една жена се качува на сцената и го турка свештеникот, по неговата изјава дека „дебелите жени не одат во рајот“, пренесуваат тамошните медиуми.
Инцидентот се случил за време на обраќањето на свештеникот на затворањето на еден религиозен камп во Сао Паоло.
На видеото се гледа како околу 50 илјади верници во шок го следат инцидентот, кога жената одеднаш се качува на сцената и го турка свештеникот, откако тој наводно ја испратил споменатата порака за дебелите жени, иако тоа не се слуша во видеото.
Како што пренесуваат бразилските медиуми, за среќа, свештеникот не бил повреден.
