Еден од најценетите рапери во историјата на овој жанр во 2011-та година снимил песна во која пејачката ја нарекува со погрдни имиња и тврди дека и тој би постапил како Крис Браун, кој како што знаеме ја претепа Ријана додека беа во љубовна врска.
Еминем (47) и Ријана (31) заедно снимиле две песни – “Love The Way You Lie“ и нејзиниот втор дел, и двете откако во февруари 2009-та година убавата пејачка беше претепана од страна на своето тогашно момче Крис Браун (30).
Познато е дека непосредно пред ноќта на доделувањето на “Греми“ наградите, Браун ја напаѓал Ријана и преку неговите песни што наишло на голема осуда од страна на неговите колеги. Меѓутоа, очигледно Еминем не е меѓу оние кои застанале на страната на Ријана.
На интернет се појавила неговата песна од 2011-та година со наслов “Things Get Worse“, во која раперот вели:
„Секако дека сум на страната на Крис Браун, и јас би претепал ку*ка“.
Никој од споменатите ѕвезди досега не се огласил поради ова, а обожавателите на Ријана секако дека “го нападнаа“ Еминем на Твитер, а се издвоил еден коментар во кој пишувало дека доколку не била Ријана, никој досега немаше да има слушнато за Еминем.
