Новиот македонски прволигаш Струга Трим Лум на своја адреса добил понуда за трансферот на Ривалдо Витор Борба Фереира Јуниор – Ривалдињо, инаку син на бразилската легенда и екс играч на Барселона, Ривалдо.
Овој 24-годишен играч кој игра како напаѓач во моментов е слободен агент откако го раскина договорот со Левски од Софија. Впрочем тој и не беше дел од составот на тимот од Бугарија сооглед на тоа што мина на позајмица во Виторул од Романија.
Останува да видиме дали стружани ќе го ангажираат Бразилецот, а до сега во нивните редови пристигнаа Емран Рамадани од Ренова и ветеранот Артим Положани.
