Оваа снимка на ТикТок има над 30 милиони прегледи. Иако повеќе од 2.000 години знаеме дека Земјата е тркалезна, многубројни теоретичари на заговор и понатаму се трудат да го докажат спротивното.
Канаѓанецот Марк Харисон одлучил еднаш засекогаш да им ја затвори устата на теоретичарите на заговор дека Земјата е рамна плоча.
Тој се искачил на највисокиот врв во својата татковина, поточно во покраината Британска Колумбија, и со камера забележал сцени кои што го одземаат здивот.
Снимката ја објавил на својот профил на ТикТок и за краток рок добил над 30 милиони прегледи, речиси 6 милиони лајкови и 80.000 коментари.
Вртоглави сцени
Марк се искачил на планински врв и со помош на селфи-стик и камера која што снима 360 степени забележал неверојатни сцени.
И тоа најважното – го покажал сферниот облик на Земјата.
„Ова е мојот конечен обид да ви докажам дека планетата е тркалезна“ – порачал тој.
