Најдобриот светски тенисер Новак Ѓоковиќ го заврши својот настап на првиот Мастерс во сезоната откако во третото коло доживеа пораз од Филип Колшрајбер со 0-2 (4-6, 4-6).
Натпреварот требаше да се одигра во понеделникот, дури и почна, но беше прекинат во вториот гем поради дожд. Синоќа на Ѓоковиќ не му одеа многу работи, делуваше исрцпен и без енергија и тоа беше еден од неговите најлоши натпревари во последната година. Колшрајбер го реши првиот гем благодарение на брејкот во седмиот гем, а во вториот имаше два брејка предност пред Ѓоковиќ да врати еден од нив.
Сепак, тоа не беше доволно и германскиот тенисер обезбеди пласман во осминафиналето каде ќе игра против Гаел Монфис. Ѓоковиќ ќе има две недели одмор пред вториот Мастерс што се игра во Мајами.
