Првата и основна препорака од епидемиолозите во врска со коронавирусот е миење на рацете, а оваа фотографија совршено објаснува и зошто.

Коронавирусот, односно Ковид-19, се шири низ светот, а сите здравствени експерти како прва линија на одбрана препорачуваат миење на рацете.

Постои голема разлика помеѓу добро измиени раце, а тоа совршено го прикажува оваа фотографија.

На социјалната мрежа Инстаграм кружи фотографија која што низ шест помали фотографии ја прикажва разликата помеѓу неизмиените раце, лошо измиените раце и правилно измиените раце.

На првата фотографија прикажана е рака која што не е измиена, потоа рака која што само е измиена со вода, рака која што шест секунди е миена со вода без сапун, потоа рака која што шест секунди е измиена со сапун и вода и на крајот рака која што 30 секунди е измиена со сапун и вода.

Првите неколку фотографии откриваат дека на рацете постојат голем број бактерии додека пак на последната фотографија прикажано е дека раката е целосно чиста – заклучок, мијте ги рацете по 30 секунди со вода и сапун.

Како правилно да ги измиете рацете?

– Нанесете доволно сапун за целата дланка.

– Тријте дланка од дланка.

– Измијте ја и горната страна од дланката.

– Тријте дланка од дланка со испреплетени прсти.

– Тријте ги врвовите на прстите од спротивната дланка.

– Истријте ги палците.

– Темелно измијте ги дланките и избришете се со пешкир.