Секулов се откажа од Македонија, па изјави: Горд сум што ќе играм за Италија

717

Големата надеж на Јувентус, Никола Секулов кој е по потекло од Струмица, по настапите за младите селекции на Македонија се реши да и сврти грб на земјата на своите родители и во иднина да игра за Италија.

Тој веќе дебитираше на неколку натпревари за младинските категории на „азурите“, а сега и официјално ја промени матичната федерација. Неговиот избор е јасен, а тоа е Италија за што јавно и се пофали.

„Ова е важен момент за мене и за моето семејство. Јас сум роден во Пјаченца и горд сум што можам да го носам синиот дрес на Италија. Благодарам и на Италијанската Фудбалска Федрација. Сакам да им изразам голема благодарност и до адвокатот Чезаре Ди Цинтино и до до канцеларијата ДЦФ Спорт Легал“, изјави Секулов.

Полека но сигурно сега работите испливуваат на површина околу случајот Секулов кој обвинуваше дека ФФМ е виновна што не игра за Македонија, додека од нашата куќа на фудбалот имаа друг стаф кој од денешна гледна точка се покажува како точен.