Италијанската економија е во рецесија во последните три месеци од 2018-та година, покажале официјалните информации објавени денеска.
Бруто домашниот производ на Италија, третата по големина економија на еврозоната и членка на Г7, паднал во четвртиот квартал од 2018-та година за 0,2 отсто во однос на претхдниот квартал, соопштила денеска италијанската канцеларија за статистика.
Тоа значи дека после паѓањето на БДП од 0,1 отсто во третиот квартал во 2018-та година, Италија влегла во техничка рецесија, која по дефиниција настанува кога ќе се забележат два последователни квартали со економски пад.
Италијанската економија, како што наведува АР, е потресена поради недовербата и лоша деловна активност, после спорот на новата популистичка влада со Европската комисија околу буџетските планови на таа земја.
Рецесијата во Италија, исто така влијаела и на пошироката економска еврозона, која во последните 3 месеци во 2018-та година се зголемила за само 0,2 отсто, исто како и во претходното тромесечие. Во Брисел се загрижени дека лошите ефекти од италијанската рецесија допрва ќе се чувствваат.
