Путин испи чашка вотка, како што вети пред 20 години

86
Се наведува дека на тој начин тој го исполни ветувањето што го даде во Дагестан пред 20 години – во 1999 година.

За време на посетата на Дагестан, рускиот претседател Владимир Путин испи чашка вотка, пренесува РИА „Новости“.

Путин се сретна со претставници на народната војска, која учествуваше во борбите во Дагестан во август-септември 1999 година.

По поздравниот говор за настаните од минатото, претседателот ја крена чашката и ја испи до дното.

За време на последната „Директна линија“ на 20 јуни годинава, претседателот го потсетија на ветувањето што го даде 1999 година: дека ќе се напие вотка кога ќе биде извојувана победата. Тогаш тој како претседател на владата на Русија дојде во Ботлих и изјави дека би сакал да крене здравица за здравјето на ранетите и во знак на сеќавање на загинатите од рацете на терористите, но ја спушти чашката бидејќи „не беа решени суштинските задачи“.

loading...