Силен земјотрес со јачина од 6, 2 степени по Рихтерова скала ја погоди Грција, а истиот се почувствува и во Македонија.
Епицентарот на земјотресот бил на 121 километар југозападно од Солун покрај градот Лариса.
Веднаш потоа следел и уште еден земјотрес, со јачина од 4,6 степени по Рихтер, пренесува грчкиот весник „Катимерини“.
На снимките кои што почнаа да се појавуваат на социјалните мрежи може да се види како граѓаните панично излегуваат од своите домови на улица.
Засега нема информации за жртви, а некои грчки медиуми објавија дека има материјална штета.
