Пред зградата на Руската амбасада во Скопје имаше протест за поддршка на рускиот опозиционер Алексеј Навални.
Протестот е дел од масовните протести кои беа најавени дека ќе се одржат денес во повеќе градови во Русија поради влошената здравствена состојба на Навални и нехуманиот третман кој истиот го добива во затворот. Во изминатиот период Европскиот суд за човекови права во повеќе наврати изрази загриженост за состојбатата во која се наоѓа Навални.
Главниот стратег на Навални, Леонид Волков ги најави протестите на ЈуТјуб, и вели дека истекува времето.
Планираните протести се совпаѓаат со годишното обраќање на рускиот претседател Владимир Путин до нацијата.
